Գնաց հասավ հազար տարվա քաղաքական մեռելներին
Անբարոյականի տղա լինեմ, թե հետ կանգնեմ. կարիք չկա հիշեցնել, թե որ մի՝ քանիցս «քֆուրի տակ» մնացածի խոսքերն են:
Այդ քֆուր ուտողը պարբերաբար խոստանում է հետ չկանգնել իշխանություններին քննադատելու, նրանց հրաժարականը պահանջելու ճանապարհից, բայց ինչ-որ հրաշքով մի բամփոց է ստանում գլխին ու մոռանում է մոր բարի համբավն ու սկսում պարկով քֆուր շալակել:
Այս բազմիցս կզվածը, ում վրա, արդեն բոլորն են հասկացել՝ չարժե հույս դնել, առավոտյան մի բան է ասում, ցերեկը՝ մեկ ուրիշ, երեկոյան՝ լրիվ ուրիշ բան է անում: Տղայական աշխարհում սրանց նմաններին իրենց անուններով են կոչում:
Հիմա էլ այս հայտնի մականունավորը գնացել է «կզվելու» ու խոնարհվելու թուրքի առաջ կզված ու պարտվածի առաջ՝ անունը դնելով «ժողովրդի համար»:
Սո՛ւտ է, ստորաքա՛րշ սուտ է: Մականունավորին միայն սեփական փողերն են հետաքրքրում, բիզնեսները, սեփական մեծ փորը ու մի մեկ էլ մի կարևոր բան՝ կրակած ուղիղ «չոլկան»: Մնացածի վրա նա ուղղակի թքած ունի՝ հայրենիքի, հողի, պատվի, մոր՝ ծնողի. ամեն ինչի:
Դեռևս Հայրենիքի փրկության շարժումը ձախողած ու Նիկոլի տակ տեղավորված կիսագրագետը երկրորդ անգամ խաբեց մարդկանց՝ արդեն ընտրություններից առաջ, թե՝ չի համագործակցի նրա հետ: Իսկ այսօր նա գալիս, հաստ ուսերին պահվող գլուխը ճոճում է նույն Նիկոլի առաջ, որը իրեն ամեն հարմար առիթով քարշ էր տալիս քննչական այսուայն մարմիններ ու «ծակ մտցնում», երբ սկսում էր լեզվին տալ ու գլուխ տանել:
Հիմա լավ է, հիմա ամեն ինչ խաղաղ է, կարելի է մեկ անգամ ստորանալ և մինչ այս իշխանության ավարտը բիզնեսներն ապահով կմնան, ավելին՝ չաշխատողներն էլ կսկսեն աշխատել, ԱԱԾ-ն ստուգումների չի գա, ղազեր ու ղազագրեր չի հայտնաբերի, ՊԵԿ-ը հանգիստ կթողնի, ինքն էլ էլի կարող է սալյուտ խփել: Ինչ է եղել որ, ոչ պատիվն է վիրավորվում, ոչ նամուսը, զուտ որովհետև դրանցից և ոչ մեկը նա պարզապես չունի:
Ոչինչ, որ նա իր այս քայլով գնաց հասավ հազար տարվա քաղաքական մեռելներին: